City Inspector a tuma accion riba e Dump ilegal pa tras di centro di Bario Tanki Leendert

0
RBC Juli 2018
Funmiles-2018

Pa basta aña esunnan di City Inspector hunto cu Serlimar a bin cu un plan pa haci trabou di limpiesa na e dump situa net patras di Centro di bari Tanki Leendert. Sr. Danilo Prescott, di Bureau City Inspector ta splica mas ariba e dump ilegal aki.

Esaki no ta un mini dump, pero e ta un dump hopi grandi caminda cu mester a trece basta trucknan pa por haci e zona limpi. Ta calcula cu e trabou ta dura un siman den cooperacion cu Serlimar, Dow conhuntamente cu Task Force di City Inspector hunto cu City Inspector. E ta un trabou hopi grandi.

No por bisa con tur e sushi aki a yega eynan, mirando cu tin hopi auto y bus benta eytras. Kisas esakinan ta bin di joyriding. Sr. Prescott no kier specula, pero e ta un situacion deplorabel, caminda cu tin hasta un kinderdagverblijf. ey banda tambe lo cual ta haci e situacion mas dificil tambe.

Miembronan di e Centro di Bario tambe a notifica cu tin hopi bestia rond di e luga tambe manera, djaka y colebranan. Den e bario banda di e dump tin hopi cas y a puntra na e bisiñanan tambe, pero naturalmente nan a bisa cu nan no tira e sushi cu ta un otro hende cu a haci esaki. Nan a yega di haya hasta tuberia cu ta sali di e departamentonan cu ta bay directamente den mondi.

Tin diferente otro cos cu tambe a wordo haya unda cu por pensa cu e mesun bisiña pero no por haci nada riba esaki y City Inspector ta keda cu man mara ya cu no por prueba esaki. A splica e bisiñanan cu lo mester bay coba pos, enbes di manda tuberia den mondi.

Pero si por bisa cu e tereno aki ta propiedad di gobierno, e ta un huurgrond. Ariba esaki lo mester bay tuma contacto cu personal di DIP pa nan wak si ta posibel si un hende por a bin construi aunke ta duda pero en todo caso DIP tin e ultimo palabra ariba esaki.

E ceramento cu piedra, hopi biaha ta duna bon resultado. Pero e tereno aki no por wordo cera, mirando cu tin hende cu ta biba eytras, y no por cera nan cas. Pero tin diferente caminda unda por mira cu si tin hende cu ta tira sushi y esey si ta bay wordo cu diferente baranca anto tin autorisacion di DOW caba.

Den caso aki a papia cu e doñonan di e apartamentonan pa controla e luga y no tira sushi pero toch City Inspector ta keda moniterea e situacion di e tereno. Tambe City Inspector lo keda patruya e luga aki, pa controla manera e otro luganan cu a wordo haci limpi. Na momento cu Bureau City Inspector ripara cu algo ta bay “schuins”, sigur lo hala nan atencion y sigura cu nan ta keda mantene nan mes straight. Te asina leu, Sr. Danilo Prescott, di Bureau City Inspector.

Comments

comments

C: Heineken
new india