Robby Rosel relacionista publico di City Inspector a duna di conoce durante un entrevista cu pa 2021 den su totalidad pa loke ta medio ambiente y e sushedad rond di Aruba. Sr. Rosel a splica cu tabatin yen di trabou caminda tabatin hopi sushedad rond di Aruba y loke a keda constata cu e sushedadnan tabata na gran escala.
E luna cu a haya mas sushi rond di Aruba tabata October, November y December unda hopi hende tabata haci nan cura di cas limpi y City Inspector tabata haya hopi sushi mes den mondi. Esaki tabata bin door di e contratistanan chikito cu tabata haci trabounan ilegal y despues ta tira e sushinan den mondi y esaki a hunga un rol den 2021. No ta solamente e constratistanan chikito pero e localnan tambe tabata tira sushinan den mondi. Durante control di esakinan tabata haya papelnan cu adres di hende y asina a tuma contacto cu e personanan encuestion y a haya un multa.
Por a remacarca cu e motibo pakico hendenan ta benta sushi den mondi debi cu Serlimar su dump ta cera riba diasabra mita dia y diadomingo full dia y esaki ta duna e oportunidad na hendenan cu a traha te laat den fin di siman ta bay tira e sushinan den mondi. Robby Rosel kier a haci un suplica na esnan cu ta haci limpi rond den fin di siman pa por fabor mantene e sushi te dialuna pa tira esaki afo na dump of busca un baki pa tira e sushedad aden. E baki ta salibo mas barata cu ora bo haya un multa di parti e tiramento di sushi riba caya.