Accion di Pikimento di autonan bieu a continua, caminda cu a coy total di 25 auto banda di caminda door di Bureau City Inspector. Sr. Danilo Prescott di Bureau City Inspector ta informa.
A cuminsa na Savaneta cu un cantidad di 12 auto y na San Nicolas ta 8 auto, cu por ta mas y ainda falta, anto den bisindario di EPB Hato tambe ta bezig pa bay otro siman.
Mayoria di biaha a acerca na e doñonan di cas y a haci e peticion pa kita e autonan di e caminda of hinca na nan cura di cas. E doñonan ta bisa cu ta bay laga drecha e auto y cu nan bay hala e autonan pero esaki no a sucede. E ora City Inspector tin e obligacion di laga nan firma un Afstandsverklaring y e autonan ta bay dump. City Inspector ta deshaci di e autonan.
E ta responsabilidad di nan como doño, pero pa awor esaki ta e solucion riba esaki. Naturalmente ta bay yega un momento cu lo benta e autonan afo y nan lo por haya un boet.
Riba esaki departamento di Belasting a splica cu si tin autonan cu no tin plachi number ni seguro paga ta bay haya boet basa riba cierto articulonan den ley. Pa ultimo, City Inspector ta recomenda pa no para autonan den e trottoir. Esaki mester keda liber pa peatonnan por pasa.
Por ultimo ta bisa na e doñonan pa paga tino cu nan auto, si e auto no ta core y no tin plachi number, of ta hinca e auto den cura of yama City Inspector pa deshaci di dje. Te asina leu, Sr. Danilo Prescott, di Bureau City Inspector.