Riba januari 28, 2019 gobierno di Merca a anuncia sancionnan directo contra di Petróleos de Venezuela, S.A. (PDVSA). E sancionnan aki a impacta e desaroyo di e proyecto di rehabilitacion door di CITGO Aruba Refining N.V. (CAR) y a obliga CAR na un reduccion parcial di e forsa laboral bou di e contratistanan. CAR ta compronde cu esaki ta un situacion desafortuna y lo sigui traha cu Gobierno di Aruba pa minimalisa e impacto riba e pueblo di Aruba.
E suministro di combustibel pa e isla di Aruba no ta wordo afecta y empleadonan di CAR ta sigui opera e Terminal na un manera sigur y confiabel.
Tocante CITGO Aruba CITGO Aruba Refining N.V. (CAR) ta un compañia Arubiano cu ta forma parti di un grupo di compañia operando bou di PDV Holding Inc., doño indirecto di CITGO Petroleum Corporation y subsidiario di Petróleos de Venezuela, S.A., e compañia nacional di petroleo di e República Bolivariana di Venezuela. CAR ta e operador di e refineria di Aruba, situa na San Nicolas, Aruba cu ta propiedad di Refineria di Aruba N.V. (RdA), un entidad di cual Gobierno di Aruba ta propietario absoluto.