PORT OF SPAIN, Trinidad & Tobago – E UWI Seismic Research Centre a registra e di cinco temblor den un lapso di shete dia cerca di Trinidad & Tobago, e biaha aki cu magnitud di 4.8
E temblor aki ta un di e cinconan registra na cerca di Trinidad & Tobago den e ultimo shete dianan.
E prome temblor di diahuebs tabata pa 11 or y 57 di mainta, y cu magnitud di 4.8. Su epicentro tabata situa na latitud 10.62N y longitud: 62.03W, na un profundidad di 10 km. El a wordo sinti na 57 km west di Port of Spain, Trinidad and Tobago, na 75 km noordwest di San Fernando, Trinidad and Tobago y na 83 km west di Arima, Trinidad and Tobago
Dia 23 di october 2018, dos temblor a wordo registra cu algun hora di diferencia entre nan dos.
Dia 21 di october, 2018, un temblor di 5.1 a wordo registra na solamente 78 km noord-oost di Tobago.
Dia 20 di october, 2018, un temblor di 4.2 a wordo registra entre Trinidad y Barbados.