ALASKA, Merca- Al menos 5 persona a muri, 10 a resulta herida y un persona ta desapareci despues di cu dialuna dos hydroplane a dal den otro den aire y cay na awa na Ketchikan, Alaska. Esaki segun informacion di Warda Costa Mericano, na medionan local.
Segun Allen Kenitzer, vocero di e Administracion Federal di Aviacion Mericano (FAA) avionnan, den cual ta kere tabata tin 11 hende den un y 5 den otro, respectivamente, lo a dal den otro pa motibonan cu ainda no ta conoci. Ambos avion tabata haciendo excursionnan den e zona.
E heridonan, un di nan di gravedad, a wordo transporta pa un hospital cercano di e localidad ya menciona, pa ricibi atencion medico.
Segun agencianan, den e zona di accidente, e tempo tabata hopi nubla cu hopi biento. FFA y e Hunta Nacional di Siguridad den Transporte di Merca (NTSB) ta investigando e sucedido.