For di diabierna durante dia team special di recherche ta bezig cu investigacion relaciona cu un arma di candela cu a keda horta for di un polis su auto personal. Esaki a pone cu un investigacion grandi a tuma luga. A tene entrada hudicial na e cas na Paradera buscando evidencia den presencia di hues comisario. Diasabra a bin bek cu e doño di cas y a bay cu un otro persona mas. Durante mas investigacion y entradanan hudicial a detene 5 persona, a confisca un arma semi automatico, paresido na UZI, y un silenciador y 3 peña y municion.