ORLANDO, Florida – Cinco persona a fayece awe den un tiroteo den un empresa di Orlando (centro di Florida), incluyendo e homber cu a drenta y a tira esnan presente, pa posteriormente kita su bida, alguacil di e condado di Orange, Jerry Demings, a informa
Den un conferencia di prensa cerca di e nave industrial unda cu e tiroteo a tuma luga, Demings a indica cu shete persona cu tabata den e mesun edificio, a sobrevivi e atake.
E autor di e disparonan, un antiguo empleado di e empresa, a kita su bida y segun e alguacil, no tin indicacion algun si e tabata pertenece na algun organisacion terorista.
E tiroteo a tuma luga den un empresa. Un empleado di dicho empresa, kende a cera su mes den baño, ora cu e tiroteo a tuma luga, a yama su ruman muhe y a bis’e “mi hefe ta morto.”
E trafico den e zona a wordo corta y den e area tin un gran presencia policial, di acuerdo cu medionan local.
E ciudad di Orlando ta prepara pa recorda dialuna awo, e 49 personanan kendenan a muri dia 12 di Juni di 2016 den e club nocturno gay Pulse, na man di Omar Mateen, un security guard di origen Afgano, kende a bisa cu ta siguido di e Estado Islamico, den e mayor matansa door di arma di candela den e historia reciente di Merca.
Fuente: www.efe.com