Cinco mucha ta muri den tiroteo na scol

SAO PAOLO, Brazil- Un tiroteo den un scol di e region di Sao Paolo diaranson a alga al menos ocho persona morto, entre cual 5 mucha. Esaki según fuentenan oficial. \
Según e Cuerpo di Bombero di Sao Paolo, e otro victimanan fatal lo ta un empleado di e scol y dos adolescente, kendenan tabata e autornan di e tiroteo.
Un vocero di Polis Militar a splica na medionan cu “dos persona bisti cu capuchon, aparentemente dos adolescente” a drenta den e scol publico Raul Brasil, na Suzano na 60 km di e capital Sao Paolista y a “efectua varios tiro”.
E dos asaltantenan supuestamente a mata cinco mucha, cual edadnan no a wordo divulga y tambe un empleado di e scol.
Despues, ambos lo a comete suicidio, según prome informenan di polis Brazilero, cu a desplasa pa e sitio di sucedido cu seis unidad di rescate, tres unidad di ambulance y dos helicopter di polis militar.

Comments

comments