SANTANDER, Colombia- Al menos cinco militar y 10 otro a resulta herida den un atake cu explosivonan cu supuesto rebeldenan di e asina yama Ejercito de Liberacion Nacional (ELN) diamars. E atake aki a sososde diamars na e frontera entre Colombia y Venezuela, segun comandante di ehercito, Ricardo Gomez.
“Nos tin cinco homber asesina y 10 herida.Nan tabata cumpliendo cu’n actividad operacional di control di ruta” den un zona rural di e municipio di Tibu, departamento di Norte de Santander, segun e oficial a declara na medionan local.
Relaciona cu e hechonan aki, presidente di Colombia, Juan Manuel Santos a condena e hecho repudiabel aki, bisando cu esaki “ta un acto di un cobarde pa ataca nos heroenan den Norte di Santander. Tur mi solidaridad cu e famiannan y cu esunnan herida tin un pronto recuperacio. Nos lo bay busca e responsabelnan. Preserva ta e lema”.
E militarnan cu a perde nan bida den e atentado aki tabata pertenece na e Fuerza de Tarea Vulcano di e di dos division di e Ehercito Colombiano, cu e presidente a califica di un acto “cobarde”.
“Nos ta rechasa e accionnan cobarde y sin discriminacion aki, caminda cu ELN dilanti e imposibilidad di enfreta e tropanan ta busca medio y metodonan di guerra no convencional, prohibi expresamente pa Derechonan Internacion Humanitario”, el a scirbi.
Fuente: http://www.ntn24.com