Cinco luna di castigo exigi contra di ex miembro di siguridad di Geert Wilders

Ministerio publico a exigi 5 luna di castigo di prizon y prohibicion profesional temporal contra ex siguridad di e lider di PVV Wilders. E sospechoso ta un ex polis Faris K. E ta wordo acusa di a suministra informacion confidencial di su adres di cas y siguridad di e politico na 3 diferente señora incluyendo su pareha. K. tabata traha pa Servicio di siguridad y proteccion na e momento ey.

Tambe el a filtra informacion confidencial di e bishita di un di e yiu muhe di e presidente Obama e tempo ey, tambe el a cosulta sistema policial pa uzo propio. Nan a arest’e na februari 2017.

“Haciendo interesante”
Poco despues di e inicio di e audiencia, hues a haya nada cu ta indica cu K. tabata tin mal intencion na momento cu el a comparti e informacion confidencial. Tampoco tabata tin consecuencia fatal. E hues a acusa K. di kier a “haci algo interesante” pa impresiona e hende muhenan. E propio K. a yama su comportacion di uno bobo.

E homber a yega di hinca su mes den problema caba pa comparti informacion policial. El a yega di ricibi un retiro disciplinario y trabou comunitario disciplinario. Awo ministerio publico ta exigi un castigo di prizon y prohibicion pa ocupa un trabou publico pa 5 aña.

Geert Wilders a anuncia via Twitter cu e ta haya e castigo hopi abou.

Comments

comments