Polisnan diahuebs mainta a keda informa cu riba Sasakiweg Av Nelson Oduber tin un vitz blanco coriendo iresponsabel y ta purba na dal tras di un otro auto. Aki a cuminsa cu un buskeda di e auto menciona. Polis di bario Oranjestad coriendo riba e caminda di Hato bou di e viaduct a topa cu e auto aki cara cara y a blokia e auto dunando e chauffeur señal pa para.
E oficialnan a topa cu sorpresa 5 hoben den e auto, 4 mucha muhe y 1 mucha homber. Holo di marihuana a dal e polisnan y a cuminsa cu un listramento y e oficialnan a canta bingo. A detene tur cu tabata den e auto y a tuma e substancia den beslag. Mientras cu polis tabata warda vehiculo di transporte un mayor a presenta y no tabata masha contento cu ki mishi e yiu den auto mientras e mester ta na scol. Bou ordo di fiscal a tuma e auto den beslag.