WASHINGTON D.C. , Merca – E campaña aki tabata esun di mas atipico cu a wordo mira den decada na Merca y a hiba e premio mayor: Donald Trump ta e presidente nob di e prome potencia di mundo.
Desde cu na Juni di 2015 el a anuncia su intencionnan di competi pa converti den e candidato presidencial Republicano, e polemica a compaña e magnate di Real Estate y desde e tempo ey no a bandone.
Su distanciamento delibera di e coreccion politico a bal’e numeroso enfrentamento cu lidernan di su propio partido, mescos di ta atacha di ta racista, machista, xenofobo y antisemita, entre otro cualificativo.
Cu e campaña tras di lomba, a yega e momento di wak con leu Trump lo yega den e cumplimento di su promesnan polemico.
BBC Mundo ta conta riba algun di e cosnan cu lo bay cambia na Merca si e presidente nobo cumpli cu su programa electoral.
1. Un muraya na e frontera cu Mexico
E propuesta di lanta un muraya a lo largo di henter e frontera di mas di 3000 kilometer cu ta separa Merca for di Mexico ta e prome promesa electoral inclui den e “Plan di 10 punto di Donald Trump pa propone na Merca prome.”
E idea di traha un muraya cu Mexico tabata hopi popular entre e sigui dornan di Trump. E magnate a bisa cu lo bay trata di un muraya impenetrabel cu lo cuminsa wordo traha den e prome dia di su Gobierno y a insisti cu Mexico lo paga pa su edificacion.
E asunto aki tabata motibo di polemica tras un encuentro priva cu Trump a tene na final di September cu e presidente Mexicano, Enrique Peña Nieto, kende a afirma cu su pais no lo bay paga pa e muraya.
Aunke algun experto a pone den duda e efectividad di e construccion aki pa por ehempel, combati narcotrafico, tabata un idea bastante popular entre e asistentenan durante actonan di campaña di e magnate.
2. Fin di TLCAN?
Pero, e muraya so lo ta un di e varios puntonan di friccion den e relacion entre e Gobierno nobo Mericano y Mexico.
Trump a anuncia su intencion di renegosha e terminonan di Tratado Liber di Comercio na Nort America (TLCAN), suscrito cu Mexico y Canada of di lo contrario, su Gobierno lo bandona e acuerdo.
E comercio entre Mexico y Merca a multiplica cu TLCAN.
TLCAN a priminti na eleva comercio entre su paisnan miembro di $290 mil miyon na 1993 te cu mas di $1.1 biyon na 2016.
Tambe el a hiba un incremento di inversion directo Mericano na Mexico di 15 mil miyon na mas di 100 mil miyon, segun datonan di e Conseho di Relacionnan Exterior Mericano.
E partidarionan di e acuerdo ta calcula cu tin mas of menos 14 miyon di puestonan di trabao cu ta depende di comercio cu Mexico y Canada.
E criticonan – maner Trump – ta destaca cu Merca a pasa di tin un superavit comercial cu Mexico di 1700 miyon na 1993 na un deficit di $54 mil miyon di 2014. Ta keda pa wak cual lo ta e alcance di un eventual renegociacio di TLCAN, si acaso e por tabata posibel di hiba un bon termino.
3. Expulsion di miyones di indocumentado
Trump a priminti un politica di man duro pa loke ta e tema di imigracion. El a anuncia cu e lo anula dos decision ehecutivo clave tuma pa presidente Barack Obama, door di permiti temporalmente e permanencia di hopi hoben na Merca, kendenan a ingresa e pais siendo menornan di edad, e asina yama Dreamers, mescos cu mayornan indocumenta di hobennan Mericano of di residentenan permanente di e pais.
Trump lo bay deroga un medida cu Obama, kende tabata evita e deportacion di e asina yama “Dreamers.”
Ta wordo calcula cu ambos medida di obama, lo ampara mas of menos 5.2 miyon di persona aproximadamente e mita di e imigrantenan indocumenta cu tin na Merca. Awo, segun e plan di Trump, nan mester wordo deporta.
“Tur ley di imigracion lo bay wordo aplica. Cualkier persona cu drenta e pais ilegalmente lo ta obheto di deportacion,” e ta bisa den su programa di Gobierno.
E magnate a anuncia cu e lo retira fondonan federal na e ciudadnan santuario manera cu ta conoci, cu a dicidi di no uza su recursonan pa persigui indocumentadonan.
En general, emigra pa Merca lo bay bira mas dificil.
Trump a propone suspende imigracion for di e “regionnan propenso na terorismo” den cual e proceso di examennan di e imigrantenan no lo bay wordo realisa cu siguridad.
Ademas, a prominti cu tur persona cu kier biaha pa merca lo wordo someti na “investigacionnan extremo.”
4. Anulacion di Obamacare
E Ley di Proteccion na Pashent y Cuido di Salud Accesibel, popularmente conoci como Obamacare, tabata un di e banderanan politico di presidente Barack Obama.
Obamacare por wordo elimina pa Trump cu e apoyo di e mayoria Republicano den e Congreso.
Desde cu el a drenta na vigor na Januari 2014, e ley aki a permiti accede na cobertura sanitario na mas of menos 20 miyon di persona cu e tempo ey no tabata dispone di dje, aunke ainda ta keda un 24 miyon di persona sin seguro.
Donald Trump a priminti deroga e legislacion aki cu den e ultimo aña tabata obheto di hopi critica pa e aumento di e primanan di seguro y pa e dificultadnan economico cu e companianan di seguro a causa, hopi di nan cual a anuncia nan lo reduci nan participacion den e programa.
E magnate di real estate a priminti substitui Obamacare pa un sistema cu lo sigui e “principionan di mercado liber” pa amplia e acceso na atencion sanitaria y reduci su costonan.
E propuesta ta premira na permiti e particularnan deduci na su declaracion di impuestonan e costo total di su primanan di salud y exigi transparencia na e companianan cu ta duna servicionan sanitario pa e ciudadanonan ta miho informa na momento di scoge unda nan lo keda atendi.
5. Un dudoso compromiso cu NATO
E organisacion di e Tratado di Atlantico Norte (NATO) tabata un di e principal pilarnan di politica di defensa di Merca desde 1949.
Tras e caida di e muraya di Berlin, NATO a expande pa inclui paisnan procedente di e mundo comunista.
Durante e Guera Friu e tabata herment clave pa e politica di contencin aplica dilanti Union Sovietica, danki na e compromiso di Merca di defende su aliadonan na Europa Occidental.
Tras e caida di e Muraya di Berlin. NATO a cuminsa cu un proceso di ampliacion pa inclui paisnan procedente di e ex orbita Sovietico.
Esaki tabata un di e principal causanan di e malestar entre e relacionnan entre Merca y Rusia, cual Gobierno ta mira cu duda cu e paisnan di su vecindario ta uni na e aliansa Atlantico.
Durante e campaña, Donald Trump a cualifica NATO di ta obsoleto y a priminti cu e lo revisa e funcionamento di e organisacion aki.
El a cuestiona cu Merca ta haci cargo di gran parti di e gastonan di operacion di e organisacion, mientras cu solamente 4 di e 28 miembronan di NATO ta invirtiendo un minimo di 2% di e PIB den defensa.
“E paisnan cu nos ta defendiendo tin cu paga pa e costo di nan defensa. Di lo contrario, Merca mester ta prepara pa laga e paisnan aki defende nan mes. Nos no tin otro choice,” Trump a bisa.
E ruptura di parti di Merca di e compromiso di defensa mutuo di NATO lo ta un giro politico di consecuencianan imprevisibel.
Fuente: BBC Mundo