E plan cu e comision di klapchi tabata tin, ta pa e cantidad di container yega, pa nan busca e containernan cu si e vuurwerk caba na Aruba, cu e ora ta warda esaki. Esaki tin consecuencia cu mas bieu e klapchi ta, mas peligroso e ta bira. Sr. Ferdinand Ponson, vocero di bombero ta amplia.
Den e caso aki, manera a yega di splica caba, cu unabes cu e klapchi wordo gehandel na su luga di origen, ora cu e bin Aruba, e ta wordo saca di un container, hinca den un otro container. P despues e wordo hiba na su punto di benta. Klapchi cu wordo mobilisa hopi, ta perde su calidad.
Den fin di aña pasa, tabata tin un cas na Noord unda un flowerbed a rementa, haciendo dañonan inmenso na casnan rond. Na 2017, Bomberonan a haya un yamada cu un flowerbed a wordo poni, y ora cu esaki a cuminsa tira, despues el a stop di tira, y rementa. Esaki a causa dañonan grandi na casnan rond, y danki Dios no tabata un caso di lamenta. Esaki ta un di e cosnan cu e comision di klapchi ta enfatisa ariba dje. Un vuurwerk bieu, cu pasa di man pa man, ta perde su esencia, manera menciona anteriormente y ta forma un peliger. Ni na 2016 y tampoco 2017 no tabata tin herido ora cu explosion aki a tuma luga.
A puntra Sr. Ponson con ta pensa pa preveni esaki, ya cu ta e bendedonan ta esunnan cu ta carga e responsabilidad ora di bende esaki caminda cu Sr. Ponson ta bisa cu e bendedonan ta scondenan, a pesar cu e control na Wela ta hopi bon. A logra di kita un paar, pero door cu tabata tin un paar cu tabata tin un excesivamente hopi klapchi, unda cu a saca como 4 pa 5 caha for di nan container. Ta hala atencion di e bendedonan aki. Tambe nan a haya klapchinan ilegal, cu no tin mecha. Tambe dia 27 di Decembet tabata tin un container unda cu e bendedonan a sconde e klapchinan, ta cambia sticker nobo, ponenan ariba e klapchinan bieu. Ni cuanto papia cu e bendedonan, ora cu Brandweer pasa caba, e ora e bendedonan ta saca esaki pa purba pusha nan pa bende. Pero toch ta bin gara esakinan ora di un hercontrole.
Mas aleu, Sr. Ferdinand Ponson, vocero di Bombero a splica cu nan lo tin un reunion den e werkgroep hunto cu e minister di Husticia y su huristanan, pa asina parti beleid pa e rebendedoann y parti esaki pa nan, pa drecha loke mester drecha pa asina evita mas incidentenan den futuro.