GLASGOW, Reino Uni- E autor di e atropeyo a wordo sentencia na prizon pa e Tribunal Superior di Glasgow, y e tin prohibicion di stuur pa shete aña y mei.
Un homber a causa e morto di un muhe di 66 aña pa a uza su cel mientras e tabata stuur, a wordo condena e siman aki na cinco aña di prizon despues di a declara su mes culpabel di e accidente, cual a tuma luga na februari di e aña pasa den e ciudad di Dumfries, Scotland.
David Shields, di 34 aña, a wordo sentencia na prizon pa Tribunal Superior di Glasgow y e tin prohibicion di stuur pa shete aña y mei segun un informe di e Servicio Fiscal Procurador Escoces den un comunicado. “Uzo di telefon celular mientras cu ta stuur, den cualkier contexto, ta ilegal y peligroso. Esaki por trece consecuencianan grave”, e organismo fiscal a subraya.
E mesun entidad publico recientemente den un video cu ta demostra e culpabilidad di Shields. Riba e imagennan por wak e camionero prestando atencion na su telefon mientras e tabata core ariba caminda grandi. Diripiente, e ta ripara cu e ta na punto di boks cu’n otro vehiculo y ta purba break, pero ya tabata demasiado laat.
E accidente a provoca cu Yvonne Blackman, cu tabata den e auto su dilanti, el a sali expulsa pa e parti patras di otro auto y a cay ariba caminda. El a sufri heridanan grave door di e accidente aki, y a muri algun dia despues na hospital.