Aunke cu e fecha di dia di dialyse a pasa, e preocupacion ta keda pa Wit Gele Kruis. Sr. Gino Goeloe ta amplia mas ariba esaki.
Casonan di dyalisa a sigui crece enbes di baha, si mira cuanto persona ta bira dyalise pashent cada dia.Tabata tin diferente fundacionnan cu a papia riba e tema aki, pero Wit Gele Kruis a ripara e situacion pa basta tempo caba ya cu e ficranan di diabetis ta sigui subi. A bin cu programanan di conscientisacion na television, como tambe programanan di obesidad cu ta link directo cu problemanan di riñon. Tur esaki, ta wordo hasi pa conscientisa e comunidad.
Pero a ripara cu e ta yega na cierto grado, caminda cu hende ta cuminsa move, pero despues ta cay bek na e bida diario di como cos vet, cosnan cu ta hopi sucu. Segun Sr. Goeloe Aruba tin diferente parkenan unda cu un persona por bay recrea, cana mei ora pa dia. Y tambe den Parke tin diferente instrumentonan cu por yudabo move, y e ta pornada.
Nos comunidad mester cuminsa move y no warda ora cu haya un stroke pa cambia nan sistema di cuminda, pero esey no ta bon. Mester cuminsa di awo caba, di cana sikiera mei ora pa dia. Alimenta bo mes bon, come hopi mas berdura, laga e aros cu e banana, cosnan cu tin zetmeel, pone mas berdura den tayo y wak e carni.
Si bo ta un persona cu ta gusta carni cora, mester baha man na esaki y come carni blanco, pisca, galiña, dus cosnan di menos cholestorol.
E dyalisa centrum na Imsan y hospital cada biaha ta bin un stoel mas. Esey ta preocupa tur hende na Aruba, ya cu esaki ta link cu diabetis.Tur di e 100% di clientenan di Imsan cu ta bay hospital , 80% ta diabetico. Y e problema aki, WGK a bin cu e programa di praktijk ondersteuner, for di 2012 y awor ta un programa cu a wordo confirma door di AZV, cu ta un programa cu lo sgui drei resto di aña paso e ta un necesidad, segun Sr. Goeloe. Paso mester tackle e problema na e dokter di cas. Y eynan e pashent ta haya un praktijkondersteuning, y un enfermera cu estudio academico cu lo begeleid e pashent den su malesa cronico.
E enfermera lo bira un coach, e lo bay educa e pashent con pa come y e lo tuma presion etc di e pashent tambem segun Sr. Goeloe.