MINAS GERAIS, Brasil – E cifra di mortonan confirma door di keintura geel a aumenta pa 80 na Brasil, unda cu autoridadnan sanitario lo mantene na aleerta desde cu e aña a cuminsa cu e brote di e enfermedad aki cu ta supera ya mas di mil caso, fuentenan oficial a informa diamars.
E estado di Minas Gerais ta esun mas afecta ora di registra 70 di e fayecimentonan, pa loke 7 ta di Espiritu Santo y e 3nan di Sao Paulo, estadonan den zuidoost di Brasil, segun e ultimo boletin divulga diamars pa e Ministerio di Salud.
Di un otro banda, e autoridadnan ta investiga otro 115 casonan distribui entre Minas Gerais (102), Espiritu Santo (9) y e estadonan di Bahia, Tocantins, Sao Paulo y Rio Grande do Norte, cu un morto cada un.
E casonan aki ainda no ta confirma pasobra, apesar di conta cu e resultado positivo di e laboratorio door di keintura geel, tin mester ainda di wordo contrasta cu e historial clinico di cada un di e pashentnan.
Gobierno Brasileño a anuncia diamars cu lo libera 40 miyon di real (mas of menos 13 miyon di dollar) pa e ciudadnan di e pais mas afecta door di keintura geel cu e fin di contene e brote.
Fuente: NTN24