LONDON, Inglatera – E cifra di morto pa e incendio cu a afecta un edificio di apartamento na London a subi na 17 y ta spera cu e aumenta mas, polis a bisa diahuebs.
“Tristemente, mi por confirma cu e cantidad di persona cu a fayece awo a subi pa 17,” e comadante di polis di London, Stuart Cundy, a bisa na periodistanan.
“Ainda tin varios persona cu ta ricibiendo tratamento den hospital. Tin 37 persona cu ta ricibi tratamento, di cual 17 ta sigui ta den Intensive Care,” el a agrega.
E candela a arasa un edificio di 24 piso den e parti west di London den e prome oranan di diaranson.
Fuente: http://lta.reuters.com