Cientificonan na Inglatera a expresa preocupacion cu e vacuna contra Covid19 cual a cuminsa wordo introduci na Britania no lo por ofrece proteccion contra e variante nobo di e virus cu a wordo descubri na Sur Africa, di cual awor tambe ta plamando rond mundo.
Na Inglatera [UK] y Sur Africa a wordo detecta e variante nobo cual ta hopi mas contagioso cual a causa un aumento den casonan den e paisnan aki den e ultimo simannan. “E variante descubri na Sur Africa tin varios mutacion adicional, cual ta preocupante,” segun Simon Clarke, profesor di microbiologia na Universidad Reading. El a menciona cu esakinan ta inclui alteracionnan mas extensivo na un parti clave di e virus conoci manera e ‘spike protein’ cual e virus ta uza pa infecta cellnan humano, cual lo por haci cu e ‘immune response’ cu e vacuna ta stimula no lo haci mucho of nada pa por proteha bo contra e virus.
Fuente: REUTERS