CIENCIA
Un test nobo patenta pa cientificonan di Universidad Internacional di Florida (FIU) cu ta permiti pa detecta exactamente e presencia of no di cocaina, tanto den sustancia como den e organismo di un persona. Esaki a wordo informa door di e Centro Universitario. E test ta consisti di agrega un solucion likido na e substancia examina y si esaki cuminsa briya bou di un luz blauw, den algun seconde, esaki ta indicacion di cu e ta contene cocaina.
Den e caso di e persona, e substancia ta wordo agrega na un muestra di e saliva.
E dispositivo di deteccion inmediato di cocaina a wordo desaroya pa Yi Xiao, profesor di Scheikunde na FIU, y su studiantenan ta di e Facultad di Arte, Ciencia y Educacion di e institucion educativo, e comunicado a señala.
E metodonan tradicional di confirmacion di e presencia di cocaina den e organismo di un persona ta “ta hopi mas caro, complica y ta perdemento di tempo”, Yi a agrega.
Resultado di pruebanan di deteccion di cocaina den personanan por dura algun simany ademas, no ta straño cu e por duna resultado “positivo of negativo” falso, mientras cu e sistema di test patenta pa cientificonan di FIU, e “resultadonan ta exacto y ta cla den un fraccion di tempo, na un costo hopi mas abao”.
Si e test wordo aplica na substancianan desconoci of via saliva, e testnan desaroya pa Yi y su studiantenan ta completa den un proceso di un solo paso cu ” no ta rekeri di ekiponan costoso of servicionan di laboratorio” adicional.
E inventornan di e test aki pa deteccion di biaha di cocaina kier awo obtene un autorisacion pa asina comercialisa e dispositivo.
Fuente: https://www.diariolibre.com