Home Salud Cientificonan ta desaroya pildo cu ta monitor e stoma durante un luna

Cientificonan ta desaroya pildo cu ta monitor e stoma durante un luna

infra
universal

Den e pildo tin un sensor incorpora cu ta midi e temperatura di e stoma continuamente.

Ingenieronan di e Instituto di Tecnologia di Massachussetts na Merca (MIT) a diseña un pildo di gel cu por wordo guli pa realisa rastreonan di stoma na pashentnan. Segun investigadonan, ora cu yega na e stoma, e pildo ta hinha rapidamente te ora cu e haya e tamaño di e bala di ping pong, suave y moli, suficientemente grandi pa por keda den e curpa pa un largo tempo sin sali.

Segun un estudio publica den e revista Nature Communications, e pildo cu por infla tin un sensor incorpora den dje cu ta rastrea e temperatura di e stoma continuamente durante te cu 30 dia. Si ta necesario pa sak’e for di e stoma, e pashent por bebe un bebida cu ta contene calcio cu ta haci cu e pildo ta baha rapidamente te na su tamaño original y sali di e curpa di manera natural y sigur.

Cientificionan a splica cu e poldo nobo ta basa ariba dos tipo di hidrogel, mescla di plastic y awa, cu ta dun’e un consistencia parecido na gel. E combinacion ta permiti e pildo hincha rapidamente mientras cu ta e keda waterproof na e ambiente acido y agita di e stoma.

E diseño basa den hidrogel ta mas suave, mas biocompatibel y mas duradero cu e sensornan cu por wordo guli actualmente, cu por keda den e stoma solamente pa algun dia of ta traha di plasticnan duro of metalnan cu ta varios biaha mas duro cu e espacio gastrointestinal, segun e desaroyadonan.

Investigadonan ta spera cu den futuro e pildo por administra na un manera sigur, varios tipo di sensornan den e stoma pa controla por ehempel, e nivelnan di pH o señalnan di cierto bacteira of virus. Den e transcurso di varios siman, e pildonan tambe lo hinca camaranan chikito pa visualisa e progreso di tumor of ulcera.

Ademas, e pildo lo por wordo uza tambe como un alternativa mas sigur y mas comodo na e balon gastrico, un forma di controla e dieet den cual mediante un endioscoop ta tin introduci den e stoma un bala di silicone pa reduci e deseo di come den personana obeso

Comments

comments

azv
Jolley sportage
Jolley: Mazda clean
Jolley: nissan kick
Jolley: chevrolet feb
jolley bison
Jolley: Vitara
jolley bison1