Den un estudio realisa pa cientificonan di e John Hopkins University a participa mas di 4200 persona di rond mundo.
Un estudio realisa pa cientificonan di e John Hopkins University, ta sigura cu mas di dos tercera parti di e ateonan cu a participa den e investigacion aki a stop di identifica nan mes como tal despues di tabata tin un encuentro cu Dios of algo sobrenatural.
Den e estudio aki, publica diamars den e revista PIOS ONE, a haci uzo di datonan di 4285 persona rond mundo, na cual a pidi pa responde na encuestanan riba experiencianan di encuentronan cu Dios, un poder superior of cu’n angel. Di mes manera, a ser pidi na nan pa revela con e experiencia aki a influi despues den nan bida.
Di e participantenan, 1184 a indica di a tuma psilocibina, yama tambe “hongona alucigeno’, 1251 a uza LSD, un sustancia psicodelico semisintetico, 435 a bisa di a tuma ayahuasa, un bebida vegetal originario di culturanan indigeno di America Latina, mientras cu 606 a menciona cu nan a consumi dimetiltriptamina (DMT), un compuesto psicodelico, cu ta wordo haya den naturalesa.
Solamente 809n persona cu a forma parti di e encuestanan a bisa di a experimenta un encuentro cu algo sobrenatural, sin a tuma niun droga. Un hayasgo interesante di e estudio tabata cu mayoria di e personanan a identifica nan mes como ateo, tanto den e grupo cu a uza substancia psicodelico como esunnan cu si, a stop di identifica nan mes cu e orientacion religioso aki, despues di a experimenta un encuentro mistico.
“E experiencia cu e personanan tabata describi como ‘encuentro cu Dios’ of ‘un representante di Dios’ a wordo informa durante miles di aña y probablemente forma a base di hopi religion na mundo”, Roland Griffits a comenta. E ta e autor principal di e investigacion. “Y aunke medicina occidental moderno no sa considera e experiencianan ‘spiritual’ of ‘religioso’ como un di e hermentnan den e arsenal contra di un malesa, nos hayasgonan ta sugeri cu e encuentronan aki hopi biaha ta conduci cu e salud mental ta mehora”, el a agrega.
Sin embargo, Griffiths a aclara cu e estudi aki ta solamente “analisa experiencianan personal” di e esunnan cu a wordo encuesta y no ta haci referencia na niun tipo riba e existencia of inexistencia di Dios.