Diaranson un ekipo internacional di cientifico a presenta e prome potret di e ‘black hole’, un hazaña cu por wordo considera un logro historico di astrofisica. E hecho aki a pone un di e pilarnan di fisica moderno: e teoria di relatividad general di Albert Einstein, presenta na 1915.
Ta trata di e imagen di un buraco preto situa den e centro di e galaxia Messier 87 (M87), na casi 55 miyon aña luz di Mundo y ta 6.5 miyon biaha mas intenso cu nos Solo, E galaxia M87 ta hopi mas intenso cu e Melkweg y ta ubica den e sombra di Virgo. E buraco preto M87 a wordo describi pa cientificonan como un “monster”.
“Wak loke ta invisibel”
“Nos a wak loke nos a kere cu no tabata visibel. Nos a wak y a saca un potret di un buraco preto (black hole)”, e lider di e proyecto Telescopio di Horizonte di Suceso (EHT pa su siglanan na ingles), Sheperd Doeleman.
“E imagen ta mustra un renchi briyante formando mientras cu e lus ta centra riba e gravedad intenso rond di un buraco preto cu ta 6.5 miyon biaha mas masivo cu Solo”, el a scirbi e pagina di Twitter di e proyecto EHT di e publicacion di e imagen historico. E region scur central, di su banda, ta e sombra di e ‘black hole’.