QUEBEC, Canada- Cientificonan di e Universidad di Montreal a haya e metodo pa desactiva e desaroyo di e metastasis den cancer di pecho HER2 positivo. Nan ta spera cu e hayasgo aki por yuda na reduci e nivel di mortalidad di e malesa aki.
E ekipo cientifico a descubri cu desactivacion di e proteina AXL por para e multiplicacion di e metastasis den e tipo di malesanan aki. AXL ta responsabel pa 20% di tur cancer di pecho.
Den cancer HER2 positivo, e celnan cu nivelnan halto di AXL ta mas inclina pa kita for di un tumor y plama den e curpa. Esaki ta un proceso cu ta dificulta e tratamento di e malesa. Hecho ta cu 90% di e mortonan di cancer di pecho ta bin door di e metastasis.
Segun e specialistanan, e procedimento pa impedi e actividad di e proteina AXL ta permiti pa reduci e risico di cu e celnan canceroso lo por spart y asina disminui e posibilidad di cu e residuonan di e malesa aki bini bek.
Fuente: https://www.webconsultas.com