BEIJING, China – Un cientifico Chines a afirma di a modifica DNA di un par di morocho naci e luna aki di november, segun un material exclusivo di e agencia Associated Press.
E cientifico, yama He Jiankui, a sigura di altera e embryonan di varios pareha durante varios tratamento di fertilidad. Cu e procedimento aki, e homber tabata purba logra e capacidad di resisti un futuro infeccion di HIV, algo cu masha poco persona tin di forma natural.
E mayornan di e morochonan a prefera di no wordo identifica, ni tampoco informa AP di unda nan ta biba of na unda e experimento a tuma luga. E ley Chines ta autorisa trabaonan di edicion genetico, pero ta prohibi clonacion humano.
He Jiankui a informa di su trabao dialuna ultimo, na un di e organisadonan di un conferencia internacional tocante edicion genetico cu lo cuminsa diamars na Hong Kong. El a revela tambe algun dato den entrevistanan exclusivo cu AP. Pero e afirmacionnan di e cientifico no a wordo confirma oficialmente
Si e informacion aki resulta di ta berdad, ta trata aki di un paso cientifico importante cu ta provoca implicacionnan etico profundo. E modificacion di DNA por pasa pa futuro generacionnan y tin riesgo di cu otro genetica resulta daña.
Varios cientifico tradicional ta considera e actividad aki peligroso. Incluso, algun a denuncia di cu ta trata di un experimento riba sernan humano.
Segun e profesor Kiran Musunuru, experto den edicion genetico di e Universidad di Pennsylvania, e trabao ta “ridiculo”. E ta un experimento cu sernan humano cu no ta ni moral ni eticamente hustificabel”, el a afirma.
“Ta hopi prematuro”, segun e profesor Eric Topol, cu ta dirigi e Instituto di Traduccion Genetico Scripps, situa na California (Merca). “Ta trata aki di instrucción di operación di un ser humano. E ta algo hopi importante”, el a destaca. Sin embargo, He Jiankui ta defende e hecho. “Mi ta sinti un responsabilidad fuerte cu no ta relaciona cu solamente di haci algo pa prome biaha, sino tambe ofrece un ehempel”, e cientifico a sigura na AP, “Sociedad lo dicidi kico pa haci despues”, relaciona cu e hecho di prohibi of no e edicion genetico di sernan humano.
Sin embargo, cientificonan di Reino Uni a descubri cu e tecnologia di edicion genetico CRISPR por causa mas daño na celnnan di loke tabata kere te cu awo, segun un estudio publica e aña aki,