Un ekipo cientifico internacional a detecta reservanan turbulento di gas frieu rond di galaxianan “starburst” distante. Esaki ta trece mas claridad riba con nan ta extende nan periodo di formacion rapido, segun un estudio publica den Nature.
E estudio ta parti di e observacionnan realisa cu e telescopio milimetrico/submilmetrico ALMA, ubica den e desierto di Atacama (Chile) segun e Observatorio Europeo Astral a informa den un comunicado.
Un ekipo lidera pa Edith Falgarone (Ecole Normale Supérieure y e Observatorio do Paris) a analisa seis galaxia “starburst” conoci pa tin un indice hopi mas grandi di formacion estelar cu otro galaxianan trankil manera e Melkweg y den cinco di nan, incluyendo Cosmic Eyelash, a detecta marcanan di molecule di kool hydride CH+.
E molecula aki, cu mester di hopi energia pa forma su mes y ta hope reactivo, ta “rastrera e forma den cual cu e energia ta vloei den e galaxia y su alredeor”, segun Martin Zwaan, astronomo di ESO cu tambe a contribui na e articulo.
E investigacion ta ofrece asina tambe informacion nobo pa e astronomonan compronde e crecimento di e galaxia y con e alrededor di un galaxia ta impulsa e formacion estelar.
Fuente: https://www.nature.com/