E asteroid 2012 TC4, cu ta dos biaha mas grandi cu esun cu a cay na 2013 den e ciudad Ruso Cheliábinsk, lo pasa na solamente 44.880 km di Mundo, un distancia 10 biaha mas cortico di loke ta separa nos planeta for di Luna (384.403 kilometer).
Segun e agencia Ruso ura.ru, e obheto espacial aki cu ta midi 40 meter di diameter, e lo pasa cerca di nos planeta dia 12 di October pa 2 or y 42 di atardi.
“Compara cu otro TC4 ta hopi chikito, pero e ta e unico cu lo bula asina cerca di Mundo”, segun e universidad di Ekitimburg, Rusia. Ademas cientificonan a establece cu e TC4 lo desplasa pa e espacio na un velocidad di 27.450 km pa hora.
Tur e curpanan celeste cu regularmente ta pasa cerca di Mundo realmenta tabata potencialmente peligroso.
Pero e asteroide 2012 TC4 lo por representa un menasa real.
E asteroide aki a wordo descubri dia 4 di October 2012 pa e Observatorio Mericano Pan- STARRS, situa na Hawaii. E tempo ey e tabata dos biaha mas leu cu awo, na un distancia di 94 km di nos planeta.
- E diameter di e meteorito cu a explota riba sobre Cheliábinsk na Februari 2013 tabata di 19 meter.
- E tempo ey 1500 persona a resulta herida. E impacto a afecta cerca 7 mil edificio den e ciudad.