Tormentanan geomagnetico lo asota nos planeta den e proximo dianan
E Administracion Nacional Oceanico y Atmosferico di Merca a adverti ariba su portal cu durante e proximo dianan, lo por nota efectonan di un serie di tormentanan geomagnetico di diferente intensidad. Concretamente, dia 24 di October lo tin un tormenta di categoria menor G1, mientras cu pa dia 25 por spera un tormenta modera di categoria G2, según e portal ta informa.
E fenomenonan geomagnetico di mayor intensidad lo por wordo observa na comienso di November. Dianan 2 y 3 di November por sinti e efectonan di un tormenta fuerte di categoria halto G3, cu su intensidad lo baha pa modera (categoria G2) dia 4 di November.
Kico ta e tormentanan geomagnetico?
Tormentanan magnetico ta fenomenonan natural cu ta altera e clima espacial terestre, afectando telecomunicacion, e distribucion di energia electrico y e daño na satelitenan artificial. Den e peor de los casos, un crisis energetico cu perdidanan economico grave lo por afecta Mundo.
Segun e Administracion Nacional Oceanico y Atmosferico di Merca, un tormenta geomagnetico ta un perturbacion di e magnetosfera di Mundo, cu ta tuma luga ora cu e biento solar, causa pa emisionnan di e masa coronal di Solo, yega e ambiente espacial cu ta rondona nos planeta. E tormentanan aki ta produci cambionan importante den e coriente, plasma y camponan di e magnetosfera terrestre.
Con esaki ta afecta nos?
“E fenomeno aki normalmente tin cierto efecto (riba hende), pero esaki ta depende di e curpa di e individuo. Algun ta sufri di dolor di cabes, pero otronan no”, segun Mijaíl Panasiuk, director di e Instituto di Investigacion den Fisica Nuclear di e Universidad Estatal di Moscu.
E cientifico a precisa cu nos organisa ta forma principalmente di awa, “cu ta un elemento conductor”, pa cual “si e campo electromagnetico di mundo cambia, cierto procesonan lo tuma luga den nos curpa”.
Recomendacionnan
• Ta importante pa evita di wordo expone directamente na e solo
• Ta recomendabel pa keda hidrata
• No ta recomendabel pa drumi cerca di aparatonan electronico.
• Purba di mantene dispositivonan electronico paga.
E cientifico Pedro Corona Romero, catedratico di e Conseho Nacional di Ciencia y Tecnologia, di e servicio di Clima Espacial Mexico a splica cu e eyeccionnan di masa coronal y e olanan interplanetario ta influencia e campo magnetico di e planeta.
Na aña 1859, a tuma luga e fenomeno Carrington, y ya caba rednan di telegraf y algun comunicacionnan basa ariba radiofrecuencia tabata existi.
E tempo ey, algun station di telegraf tabata funciona sin bateria y algun di e cablenan a coy chispa, cual a resulta den candela.
Fuente: https://actualidad.rt.com