Arkeologonan a determina cu un estatua di 4.300 aña di un farao Egipcio ta confirma e autenticidad di un di e pasashinan den Beibel. E esculptura, haya na Jasor, noord di Israel y reconstrui na 1995, lo ta evidencia di e sublevacion di Hudiunan contra di Jabin, Rey di Canaan.
Dimitri Laboury, di e Fundacion Nacional di Investigacion Cientifico di Belgica a señala e sitio arkeologico como e luga unda e hechonan describi den e pasashi di Bijbel, na Josue 11:10-11, unda ta describi e destruccion di e ciudad di Jasor na man di e tropanan Israeli lidera pa e rey Yozue.
E Egiptologo ta inidca cu e estatua a wordo destrui mas di 3 mil aña pasa, mas o menos e mesun tempo cu e hechonan relata den Beibel a sosode.
“E buraconan ta indica cu e nanishi a kibra y e cabes a separa for di e resto di e sculptura prome cu ela wordo destrui”, segun Laboury, co – autor di e mas reciente estudio arkeologico riba e cabes haya di un farao Egipcio sin por wordo identifica.
“Curiosamente, niun otro parti di e statua original a wordo haya na e sitio”, el a agrega na e portal Live Science.
E restonan a wordo haya den e mesun compleho arkeologico caminda e otro statuanan Egipcio a wordo haya, incluyendo esun haya na 2013 cu tabata tin e mesun mannan cu un sfinx.
Fuente: https://www.livescience.com/