Ta existi cierto medicamentonan popularmente estableci cu ta yuda cu cualkier malestar di salud cu ta presenta di manera cotidiano. Pa dolor di musculo of di cabes, semper ta recuri na e clasico Ibuprofen, e antiinflamatorio pa excelencia di hopi pais rond mundo. Recientemente, investigadonan na e Hospital Universitario di Kopenhagen, a afirma cu e remedinan aki ta aumenta un 31% e probabilidadnan di sufri un paro cardiaco.
Segun datonan detaya pa e Organisacion Mundial di Salud (WHO), enfermedadnan cardiovascular ta actualmente un di e principal causanan di morto na mundo. E ultimo cifranan a afirma cu solamente den aña 2012, aproximadamente 17.5 miyon di persona a muri door di problemanan cardiaco, esaki ta representa 31% di tur morto registra na mundo. E inactividad fisico, e consumo di tabaco, e tumamento di salo den cantidadnan grandi y e consumo di alcohol, ta algun di e causanan cu ta denota dicho cifranan.
E estudio aki a aporta na un factor nobo, tin un repercusion cla den relacion cu salud di curason humano. Cientificonan a studia detayadamente cerca di 29 mil pashent na Dinamarca cu a experimenta atakenan di curason entre 2001 y 2010. Como resultado, nan a wak cu 3300 a cosumi di manera periodico, medicamentonan cu ta bin di e grupo di e AINE’s, 30 dia prome cu e evento cardiaco.
Investigadornan a afirma cu e medicamentonan aki, a genera e acumulacion di plaketa, loke ta conclui den e formacion di coagulo den sanger. E resultadonan ta afirma cu tambe cu ta yuda na e contraccion di arterianan como tambe, e aumento di presion arterial.
Fuente: http://www.infobae.com