BEIJING/MOSCU-Autoridadnan di Rusia y China ta preparando un acuerdo riba e exploracion di espacio den conhunto pa aña 2018 te cu 2022. Asina e vocero di e agencia espacial Ruso Roskomos a confirma. E documentonan lo por wordo firma na September.
E aprobacion di e programa nobo ta riba agenda di e proximo reunion di e subcomite pa espacio exterior di e comision Ruso-Chino cu ta programa pa dia 14 di September 2017.
E comunicado ta confirma e declaracionnan anterior di e cadena di television Chines CTGN cu diasabra a anuncia cu Beijing y Moscu lo colabora den espacio entre 2018 pa 2022.
E cinco asignaturanan di cooperacion lo por ta satelite, desaroyo di materialnan nobo, estudio di desperdicio orbital, monitoring di Mundo y expedicionnan lunar tripula.
Actualmente Roskosmos ta coopera cu NASA y e Agencia Espacial Europeo (ESA), primordialmente pa e mantencion di e Estacion Espacial Internacional. China no ta forma parti di e proyecto di EEI y e lo kier construi su propio station orbital pa 2019. E fecha pa un expedicion tripula di e taikonauta pa Luna ainda no a wordo haci publico. Pero e programa en conhunto ta inclui e preparativonan aki.
Fuente: https://actualidad.rt.com