Un ekipo internacional di astronomonan a detecta oxido di titanium pa prome biaha den e atmosfera di un exoplaneta. Esaki segun un informe di e Observatorio Austral Europeo (ESO) desde di su central den e localidad Aleman di Garching.
Cu yudansa di e instrumento FORS2, instala den e telescoop di largo alcanse (VLT) di ESO, e Observatorio Paranal, na Chile, e ekipo por a analisa cu un nivel di detaye sin precedente, e composicion kimico y structura di temperatura y presion di e atmosfera di e planeta WASP-19b, di tipo jupiter cayente.
E planeta aki tin mas o emnos e mesun massa cu Jupiter, pero e ta asina cerca di su stera, cu e ta completa su orbita den solamente 19 hora, y ta ser calcula cu su atmosfera tin un temperatura di mas o menos 2 mil grado.
Na Mundo ta hopi straño pa wak oxido di titanium y ta na altura di su existencia den atmosferanan di streanan friu, mientras cu den e planetanan cayente manera WASP-19b, e ta actua como un absorbente di calor.
Si e ta presente den cantidadnan lo suficientemente grandi, e moleculanan aki ta evita cu e calor ta drenta of sali a trabes di su atmosfera, provocando un inversion termico. Esaki kiermen cu e temperatura mas halto den e atmosfera superior y mas abao den e zonanan inferior, contrario di lo normal.
Fuente: https://www.diariolibre.com/ciencia-y-tecnologia