Satelitenan di NASA den fin di siman a captura imagennan di un otro iceberg gigantesco, di mas o menos 267 km cuadra, na momento di a los di e glaciar Pine Island na Antartica E hecho aki no a bin como sopresa pa cientificonan, pero ta representa un señal mas creciente di e aumento di nivel di lama y di e risiconan cu esey ta implica pa futuro. Pine Island, e glaciar di Antartica cu ta smelt mas lihe, ta perde 45 biyon ton di ijs pa aña, cual ta responsabel pa un kwart di e perdidanan tofal di e contintente aki.
E imagennan satelital tuma entre 23 y 24 di September ta mustra un apertura di awa cu tabata subi cu forsa enter e plataforma di ijs y e ijsberg gigante, cu ta mas o menos cuater biaha e tamaño di Manhattan, segun e website Gizmodo.
Segun Christopher A. Shuman, cientifico investigador di e Laboratorio di Ciencias Criosfericas di e Centro di Vuelo Espacial Goddard di NASA, esaki ta e di tres ruptura importante produci pa Pine Island den cuater aña. Anteriormente esaki a sosode na 2013 y 2015.
Shuman a confirma tambe cu den e centro di e glaciar tin buraconan ta cu forma y cu ta extende ta na e rand. Esey kiermen cu e buraconan no ta superficial, pero cu nan ta origina den su interior, probablemente como resultado di e friccion di awanan cayente di oceano contra di e base inferior di e structura continental frieu.
Si e fenomeno aki sigui asina aki, e tronco prinicpal di e glaciar por disparce dentro di 100 aña.