Aunke e asina yama horcan espacial ta incapas di yega te den e atmosfera terestre, nan por ta un menasa crucial pa e bida humano.
Un investigacion di e Centro Pa Investigacion Espacial y Atmosferica (Florida, Merca) lidera pa Katariina Nykyri a relata con e fluctaucionnan di e biento solar, of plasma, ta causa modificacionnan den e horcan espacial, forma pa un fenomeno denomina instabilidad di Kelvin-Helmholtz (KH) y cu ta provoca un asedio riba planeta Mundo.
A pesar di cu nan ta permanece na mas di 500 mil km di e superficie di Mundo, e “ondulacion di KH por produci fluctuacion di ultrafrecuencia den e liñanan di campo magnetico terestre y interactua cu particulanan di e faha di radiacion”, Katariina Nykyri a indica. E interaccion aki por afecta e infrastructura fundamental pa humanidad, manera satelitenan di comunicacion y misionnan espacial.
Nykyri detaya cu e peliger ta sinta den e hecho cu e horcannan special aki ta un di e formanan principal unda cu e biento solar ta transporta energia, masa y impulso pa e magnetosfera, cu lo “afecta e rapidez cu cual e ondanan KH y su tamaño ta crece. E plasma aki cu ta bon bek den e campo magnetico di Mundo por crea bandanan di energia termico na 67 km leu di nos planeta.
Como tal, Nykyri a conclui cu pa tin un “prediccion preciso di e tempo espacial” ta fundamental ” pa compronde e mecanismonan cu ta afecta e crecemento y e propiedadnan di e horcannan espacial.
Fuente: https://actualidad.rt.com