Mientras cu Merca ta en espera di un eclipse solar total dia 21 di Augustus, e habitantenan di e hemisferio Oriental lo por observa dialuna aki otro espectaculo celestial: un eclipse lunar parcial.
Di acuerdo cu e portal Sky and Telescope, dia 7 di Augustus pa 6 or y 20 di atardi, un kwart di e hemisferio sur di luna lo wordo sumergi den un sombra terestre. E habitantenan di Europa y Africa lo por observa e evento espectacular prome cu solo baha, mientras cu na Asia y Australia e eclipse lunar lo tuma luga prome cu manese.
Expertonan señala cu e fenomeno, cu lo dura dos luga, e ta caracteristico debi na su color cora cu lo tiña e satelita di Mundo.
di otro banda, dia 21 di Augustus, full Norteamerica lo ta testigo di un eclipse solar, cu den algun parti di Merca lo comberti den un eclipse solar total. E evento ya a wordo bautisa pa prensa como e gran eclipse solar Mericano.
Miyones di persona di diescuater estado Mericano cu ariba e dia aki ta den e trayectorio di eclipse solar lo por disfruta di e espectacular fenomeno, unda cu Luna lo cubri e solo por completo pa algun minuut. E lo ta visibel den un franja di 112 kilometer hancho for di costa oost te cu costa west, for di Oregon te cu South Carolina.
Fuente: https://actualidad.rt.com