Diadomingo solo un biaha mas a emiti un explosion solar, segun e Laboratorio di Astronomia di Rayonan X di Solo, di e Insituto Físico Lébedev di e Academia di Ciencia di Rusia.
E explosion aki a alcansa un intensidad di X8,3, caminda cu e letter ta representa un clase di chispasonan extremadamente grandi y e number ta referi na su intensidad. E X ta esun mas fuerte di e cinco existentenan.
Diaranson ultimo un explosion fuerte a keda registra, esun mas potente di e ultimo 12 añanan, di un intensiad di X9,3. E di dos chispaso potente di un intensiad di X1,3 a azota nos plantea diahuebs ultimo, mientras cu e di tres, cu’n potencia di M8,1 a keda registra un dia despues.
E actividad solar diabierna a deriva den un tormenta magnetico, pa cual varios persona lo a sufri di malestarnan fisico. E liberacion di e masa coronal di e tipo di explosionnan aki ta “kima” e campo magnetico di planeta Tera.
Relaciona cu e expulsionnan coronal di e dos y di tres explosion, esakinan ainda no a yega nos planeta pa cual e posibel consecuencianan lo por manifesta nan mes incluso durante e proximo siman (nan).
Ademas, e explosion potente di Solo den mas di un decada a provoca un empeoramiento di e sistema di comunicacion den e territorio di Europa y America, aunke e no a afecta e funcionamento di e satelitenan y e sistemanan terestre y ni e trabao di e Estacion Espacial Internacional.
Fuente: https://actualidad.rt.com/