CIUDAD DI MEXICO, Mexico- E asteroid Florence, cu lo pasa cerca di Mundo dia 1 di September sin peliger di impacto ya caba tin cuater pa nuebe kilometer di diameter. E lo representa un oportunidad valioso pa specialistanan por observa y analisa e asteroid aki.
Esaki ta segun expertonan di e Universidad Nacional Autonomo di Mexico (UNAM).
“Pa ciencia ta importante di conoce su propiedadnan espectral (espectro di lus y color). Nos lo por establece cuanto e ta midi y con su structura ta”, segun e investigado Karina Cervantes, di e Instituto di Geofisica di UNAM.
E cercania lo permiti pa investiga su tamaño real y su aspectonan di su superficie manera “den su topografía, rotacion, textura y un determinacion mas exacto di su trayectoria orbital”, Cervantes a splica.
E investigado a recorda cu e ta un asteroid casi mes grandi manera esun cu a genera e crater di Chicxulub (cu tabata tin 10 kilometer di diameter), y cu a colisiona cu nos planeta 65 miyon di aña pasa den e area noord di loke awe ta e Peninsula di Yucatan cu a causa e extincion di especienan vegetal y animal, incluyendo e dinosaurio.
E asteroide lo “caricia” e orbita terestre na un velocidad di 13.53 km pa seconde y cientificonan por observa e asteroid cu telescopio y radarnan.
Tambe e cientificonan a aclarea cu Florence ta den e categoria di asteroidenan “potencialmente peligroso” debi na su “dimensionnan cu ta mas grandi cu 140 meter y su distancioa minimo di acercamento ta mas chikito cu 19.5 biaha e distancia entre Mundo y Luna”.
Fuente: http://www.elnuevodiario.com.ni/