Astronomonan a confirma recientemente cu un asteroid bautisa como Oumuamua (mensahero na Hawaiano), a wordo detecta na October, ta bin for di otro sistema solar, cual ta habri un bentana nobo riba e formacion di otro mundonan estelar den nos galaxia, e Milkyway.
Cientificonan a yega na e conclusion aki ya cu e analisis di recompilacion di dato ta mustra cu su orbita no por tin su origen den nos sistema solar.
E obheto rocoso y di forma largo cu tin 400 meter di largo y largura ta dies biaha mas su hanchura, segun e agencia AFP.
E forma inusual no tin precedente entre esunnan cu ta cerca di e 750 mil asteroidnan y cometanan observa te cu awo den nos sistema solar, unda cu nan a forma, segun e investigadonan, cual estudio a wordo publica den e revista Nature.
Astronomonan ta kere cu un asteroid interestelar similar na Oumuamua pasa den nos sistema solar mas o menos un biaha pa aña.
Pero e ta algo dificil pa rastrea y e no a wordo detecta te cu awo. Ta desde un tempo relativamente poco e telescopionan pa monitor e obhetonan suficientemente potente pa por descubrinan.
Segun astronomonan, e obheto straño aki a biaha solamente den e Milkyway durante cientos di miyones di aña prome cu el a pasa den nos sistema solar y sigui su caminda.
“E ta un bishitante straño, procedente di un sistema estelar hopi distante cu tin un forma cu nunca antes nos a wak den nos sistema cosmico”, segun Paul Chodas, director di e Centro pa e Estudio di Obhetonan Cercano di Tera di Jet Propulsion Laboratory di NASA, na Pasadena, California.
Fuente: http://www.ntn24.com/