MAPUTO, Mozambique- E ciclon Kenneth a golpia e parti nort di Mozambique diahuebs, provocando bientonan fuerte cu a ranca mata y tambe causando cortenan den e sistema electirco. E ciclon ta yega e pais Africano solamente un luna despeus di e paso di Idai, cu a laga devastacion na su paso, y causando morto di mas di un miljard persona.
Prome cu el a yega e continente Africano, Kenneth a pasa dilanti e archiepielago chikito di Comoras diaranson anochi, unda cu al menos 3 persona a muri y cu a causa dañonan material grave, segun autoridadnan a bisa. E ciclon ta menasa Tanzania tambe, caminda cu gobierno a pidi e poblacion pa ta cauteloso.
Nacionnan Uni ta teme pa inundacionnan y avalancha den e provincia di Cabo Delgado, na e frontera cu Tanzani, escenario na 2007 di un insureccion Islamita cu e autoridadnan no por controla. “Bientonan ta hopi duro, mi nunca a wak algo asina den mi 15 añanan na Pemba”, según un bisiña di e zona.
Varios mata a wordo ranca y barconan a keda tur destrui cu e yegada di e ciclon. Un reportero local a describi Pemba como un ciudad sin coriente, golpia pa bientonan duro for di diahuebs atardi pa anochi.
E ciclon awo ta dirgi su mes pa sur di Tanzania unda cu autoridadnan a lansa mensahe di advertencia na habitantenan di e provincianan di Mtwara, Lindi y Ruvuma debi cu ta spera awaseronan fuerte como tambe bientonan duro. Segun algun testigo, bisiñanan di e region ya caba a cuminsa bandona e zona costero cu nan famia.
E Federacion Internacional di Sociedad di Cruz Cora y di Mita Luna Cora (FICR) a bisa cu e ta “particularmente preocupa” pa e daña cu e ciclon lo por causa na Mozambique. “Otro tormenta ta otro golpi pa e pueblo di Mozambique”, cu ta purbando di recupera di Idai, desde e Programa Mundial di Alimento di Nacionnan Uni cu ta yudando un miyon di persona afecta pa e ciclon anterior.