QUEENSLAND, Australia – E ciclon tropical Debbie a yega na e costa noordoost di Australia, cu bientonan sosteni di 185 kilometer pa ora y cu rafaganan cu por yega mas di 262 kph.
E tormenta ta azotando e costa di Queensland, cu awasero torencial, cu por causa inundacionnan grandi, segun e Oficina di Meteorologia di Australia.
E ciclon categoria 4, ekivalente na un horcan di categoria 3, lo persisti durante e proximo 12 pa 24 ora, di acuerdo cu meteorologo.
E mal tempo ya a cobra bida di un muhe di 31 aña, den un accidente fatal di auto dialuna, cerca di e ciudad di Proserpina, debi na e mal condicion climatico.
E “nucleo hopi destructivo” di e ciclon ya ta lagando un rastro di destruccion den su paso riba e islanan periferico y cerca di e parti continental, segun e oficina di Meteorologia. Tin advertencia di lama bruto di olanan di hasta cuater meter di haltura.
Ciclon Debbie a ranca matanan for di tera. Algun residente di Queensland a informa cu e bentanan di nan apartamento a kibra debi na e mal tempo. Beachnan virgen cu tabata luminoso y solea dialuna, a inunca por completo diamars.
Y Facebook a activa su herment “Safety Check” pa e usuarionan den e region, informa nan amigo y famianan cu nan ta bon.
E cantidad
Den termino di cantidadnan absoluto, e tormenta ta impresionante.
Mas di 50 mil persona ta sin coriente na Queensland, 7 News a informa.
Den un lapso di un ora, a cay 211 milimeter di awasero, cu ta golpea e zona, segun e prome minister di Queensland, Annastacia Palaszczuk.
Aunke autoridadnan a purba di evacua 25 mil persona prome cu e yegada di e tormenta, Palaszczuk a bisa Sky News Australia, cu e momento di bay a culmina.
“Mi tin mester pa hende y famianan keda na un luga,” el a bisa.
“Esaki lo bay bira pio,” Palaszczuk a agrega den Nine News Queensland diamars mainta.
Ciclon Debbi ta e tormenta di mas grandi cu a golpia e estado desde cu e ciclon di categoria 5, Yasi, na 2011, a ranca cas for di nan fundeshi y a distrui teranan di cultivo.
Fuente: CNN en Español