Riba caminda di Yaraweg diadomingo mainta a keda registra un accidente basta fuerte entre auto y un ciclista. Un auto a bay pa lora na su man robes y un ciclista biniendo su tras no a paga tino y a dal basta duro tras di e auto. E homber a keda basta herida, ambulans a yega di biaha unda paramedico a brinda asistencia di biaha. Polis di trafico na e sitio a cuminsa haci su investigacion y departamento tecnico a presenta pa saca potretnan di e sucedido.