PARIS, Francia – Faltando poco luna pa scoge un presidente nobo Frances y cu e sombra di spionahe Ruso riba nan, WikiLeaks ta revela cu e agencia Mericano a spiona e eleccionnan durante shete luna.
Francia y Merca tabata tin varios experiencia pa motibo di espionahe. Ainda por corda con na 2015 Gobierno Frances a convoca un embahadora Mericano, despues cu WikiLeanks revela cu Merca, a spiona di por lo menos desde 2006 te cu Mei di 2012 na e tres presidente Frances cu a goberna durante e periodonan aki. E spionahenan aki a tuma luga, segun WikiLeaks, pa obtene informacion privilegia riba e temanan candente di e relacionnan bilateral y cu Europa.
Awo WikiLeaks a revela otro spionahe, e biaha aki pa cuenta di e Agencia Central di Inteligencia di Merca (CIA). Segun e documentonan, e agencia a spiona e primarianan socialista y e eleccionnan presidencial di Francia na 2012. Di acuerdo cu lo revela pa WikiLeaks, “e analistanan di CIA a considera cu e reeleccion di e Union pa un Movemento Popular (UMP), lidera pa Nicolas Sarkozy, no tabata sigura y ordena nan oficial berigua e esfuersonan di e candidato y su partido pa gestiona e eleccionnan di 2012.
Fuente: El Espectador