Diadomingo marduga personanan sinta na frans figaroa a capta un suv honda a pasa nan riba un velocidad basta halto direccion nort y net un patruya a topa cu e auto aki banda contrario y a bira bay su tras. Pa ora e oficialnan a yega na altura di misa Santa Anna a busca e auto no a topa cune y ora a bin direccion ariba e oficialnan ta topa cu sorpresa e auto hinca den e greppel na e futuro rotonde Noord.
A baha di biaha bay wak si tur hende ta bon pasobra e auto a cay violentamente y tabata mustra un situacion serio. Ambulance a acudi na e sitio pero e chauffeur no tabata herida y e oficialnan a pone supla a dune varios chens pero nada y el a keda deteni pa core auto bebi. E auto mes a keda totallos y takelwagen a saca e auto for di e buraco.