Pa tercer aña consecutivo Renaissance Marketplace ta regala Aruba su Christmas Market Winter Wonderland. Diasabra awor dia 7 di december, pa 6’or di atardi lo duna inicio na un temporada yen di splendor y magia navideño. E Christmas Market Winter Wonderland lo ta habri tur dia – te cu dia 22 di december proximo, for di 6’or di atardi pa 10’or di anochi. Renaissance Marketplace ta un biaha mas e sitio pa henter e famia Arubiano reuni e temporada aki. E anochinan den december lo keda accentua cu live entertainment, actividad pa mucha, diferente ‘casita’ cu artesania y schaatsmento!
Ambiente y goso navideño tur dia
Loke sigur ta hala hopi atencion ta e Ice Skating Rink, y e aña e tey atrobe! Pasa ratonan contento cu henter famia, schaats y comparti momentonan inolvidabel. Christmas Market Winter Wonderland ta accesibel pa tur hende; e plataforma di ijs e aña aki lo ta situa net dilanti di Cafe The Plaza banda di e escenario principal. Mientras cu bishitantenan ta schaats y gosa, riba escenario lo tin ambiente y live entertainment tur dia. Por spera presentacion di Grupo di Betico, Las Unicas, Claudius Phillips & OREO, Robert Jeandor y Su Solo Banda Show, Honeypot y mucho mas. Celebra e anochinan di Pasco cuminsando diasabra awor dia 7 di december cu e gran apertura di Christmas Market Winter Wonderland!
Meet & Greet Santa!
Haci un paseo den e Christmas Market Winter Wonderland y ‘meet & greet’ Santa y su ayudantenan. Saca foto y disfruta di momentonan bunita den famia. E ‘ciudad’ di Pasco na Renaissance Marketplace lo tin diferente ‘casita’ di Pasco bendiendo cuminda, bebida y regalo. Ademas di esey, lo tin diferente actividad pa mucha. Sigui Renaissance Marketplace riba social media y keda na altura di Christmas Market Winter Wonderland!