ENTERTAINMENT
PARIS, Francia- Chris Brown y dos persona mas a wordo aresta y ainda ta deteni, acusa di violacion y uzo di narcotico, segun un fuente hudicial a informa na CNN.
E cantante tabata deteni hunto cu dos otro persona no identifica, segun e fuente a bisa diamars. E embahada di Merca na Paris no tabata kier a haci niun comentario ariba e informe.
E cantante a hay’e varios biaha den problema cu ley, incluyendo cargonan di agresion fisico despues di un incidente cu su pareha, Chris Brown na 2009. El a wordo acusa di delito grave y menasa criminal den e incidente aki y a haya cinco aña di libertad condicional y servicio comunitario.
Mas recientemente, prome cu e incidente na Paris, Brown a wordo aresta na juli 2018 despues di un concierto na West Palm Beach, Florida, acusa di a golpia e homber cu a saca su potret sin su permiso.
El a wordo laga den libertad bou di fiansa di 2 mil dollar, el a declara su mes como inocente den un audiencia despues y ta sperando su caso bin dilanti.
Na 2013, Brown y su bodyguard a wordo aresta y acusa di un delito grave despues di un pelea pafo di un hotel na Washington. E acusacion a wordo reduci na un delito menor e dia siguietne door di corte y Brown a wordo laga den libertad sin mester di a paga un fianza.
Mas despeus na 2013, Brown a wordo expulsa di un centro di rehabilitacion despues di a kirba e ventana chikito di e auto di su mama durante un sesion familiar. Un hues a duna ordo di drenta otro programa di rehabilitacion di biaha.
Na maart 2014 el a wordo acusa di a viola su libertad condicional door di a wordo expulsa di un centro di rehabilitacion y un hues a duna ordo pa cer’e. Na mei di e aña ey, mientras cu ainda e tabata cera, el a declara su mes culpabel di un violacion di libertad condicional como consecuencia di un pelea na Washington.
El a wordo laga den libertad na juni 2014 y mas o menos tres luna despues, el a wordo declara culpabel di un pelea na Washington y a wordo sentencia na un dia di prizon y un boet di 150 dollar.