Diadomingo mainta polisnan a drenta accion na Paradera ora a keda informa cu patras di un ex take away Tzu Him net pabou rotonde Paradera tin basta droga scondi. Autoridad a presenta y canta bingo ora a topa cu cantidad di droga y a bay na detencion di dos persona Chines inmediatamente. E sospechosonan a keda transporta pa warda di Polis, mientras a notifica departemento narcotica di biaha di e caso aki. Recherchenan a presenta y a siguk cu e caso hunto cu departemento forensico di Polis unda a drenta y saca evidencianan unda a topa cu e plantacion di marihuana. Ta mustra cu pa hopi tempo caba e chinesnan aki ta plantando marihuana a confisca tur esakinan. Na final takelwagen a presenta y tuma un lexus A-60663 den beslag. Y a confisca cosnan den e cas cu tabata ser usa pa e plantacion y a bay cu e doño di cas pa warda pa interogacion.