BEIJING, China- Despues di cu Washington diamars a sanciona di forma unilateral empresa y individuonan Chines vincula cu Korea den Norte, China a urgi Merca pa “coregi su eror di inmediato” segun e vocero di e embahada Chines na Merca a informa Reuters.
Di e manera aki Beijing ta urgi Washington pa “no afecta e cooperacion bilateral relaciona cu cosnan relevante”, el a agrega.
Algun ora prome, Merca a anuncia e ampliacion di e sancionnan cu ta busca pa aisla Pyongyang cual a afecta varios empresa di China, Rusa, Namimbia y Singapore. E restriccionnan ta dirigi tambe contra seis persona en particular, entre nan un ciudadano Chines.
Ademas di e imposicion di sancion, Washington ta sigui pone presion riba e comercio di e pais Asiatico. Siman pasa e presidente di Merca, Donald Trump a autorisa un investigacion riba China pa supuestonan casonan di robo di propiedad intelectual. E investigacion lo wordo conduci segun un ley cu te permiti Merca di establece bareranan unilateral di exportacion pa e pais. “Esaki ta solamente e comienzo”, e mandatario a declara.
Fuente: https://actualidad.rt.com