QINGDAO, China – Luna pasa tabata Niger, despues cu nan importacionnan di burico a multipla pa tres den un aña; Burkina Faso a dicidi na Augustus. Segun su director di Sanidad Publico a splica na e agencia AFP, su poblacion di 1.4 miyon di e bestianan, tabata wordo “sobreexplota” pa e demanda di piel na Asia.
E apetito no a wordo dirigi solamente na Africa. E cifranan di e agencia di Douane di e puerto di Qingdao, un di e mayornan di China, a indica cu e entrada di cuero di burico a crece casi un 150% entre 2013 y 2015, di 9.32 ton pa 22.44 ton. Mexico, Peru y Egipto ta entre e principal paisnan di procedencia. Na Spaña, unda ta keda poco ehemplar di burico, “no tin constancia cu nan ta wodo bendi,” Dilfenio Romero, presidente di Asociacion di Amigonan di Burico, a bisa.
Cada aña, China ta produci cerca di 5000 ton di ejiao, algo cu ta rekeri segun calculonan di e principal fabricante di e gelatina aki, Shandong Donge, Ejlao, cerca di 4 miyon di cuero. For di cada cuerto por obtene 1.5 y 2.5 kilo di e gelatina. Pero e produccion local Chines solamente ta yega na 1.8 miyon di cuero.
Tambe un alimento habitual
“Tanto e prijs di ejiao como di e propio carni di burico – un alimento comun specialmente den regionnan di nort di China, unda tin delicianan traha cu e carni aki, ta wordo considera un specialidad – ta subiendo. E industria ta studiando e productonan nobo manera lechi di burico of sanger di burico. E ta convirtiendo den un sector prometedor y p’esey Gobierno a cuminsa pone mas atencion cu subsidio pa granhanan grandi pa nan cria mas di un miyar di burico, asina ta cu nos por mira posiblemente un aumento di e indusria aki y di e poblacion di burico pa 2020,” profesor Suri Yujiang, profesor di e Universidad di Agricultura di Qingdao y secretario generla di Union di Strategia y innovacion Tecnologico di e industria di Burico, a considera.
Mientras tanto, e prijsnan halto a bin cu falsificacion. Na comienso di e aña aki, e agencia oficial Xinhua a informa cu “hende a cuminsa uza cuero di mula, cabay, porto of baca pa produci medicamentonan falso.”
Fuente: El Pais