PEKING, China – China a alerta usuarionan di Windows di un virus “ransomware” nobo, similar na WannaCry, cu a afecta centenares di miles di sistema na mundo.
E virus, yama UIWIX, ta encripta y ta cambia e nomber di e documentonan, probechando un faya den e sistema operativo Windows, e Centro Nacional di Respuesta di Emerencia na Virusnan Informatico, a bisa, cu ta pidi e usuariojan pa instala e actualisacion disponibel.
Aunke no a registra ningun infeccion na China, e virus a propaga den otro pais y a provoca un alerta siman pasa di e firma Danes di cibersiguridad, Heimdal Security.
“E ransomware UIWIX, ta tuma luga di WannaCry, pero sin interuptor y cu e mesun capacidadnan di autoreproduccion cu ta permiti’e propaga rapdiamente,” Heimdal a adverti.
E ausencia di interuptor (kill-switch) pa frena e propagacion di e virus, ta nifica cu UIWIX por ta ainda mas potente cu WannaCry, e ta agrega.
Pero otro expertonan ta calcula cu UIWIX ta propaga menos rapido cu WannaCry.
Otro virus yama Adylkuzz, a wordo descubri e siman aki, segun e empresa di cibersiguridad Proofpoint, cu a calcula cu e atake lo ta hopi mas importante cu esun di WannaCry.
“Centenares di miles” di sistema y casi 30 mil institucion a wordo afecta na China door di WannaCry, segun Qihoo 360, un di e prome proveedornan di programa antivirus na China.
Segun Sarah Larson, specialista Australiano di siguridad informatica, China ta particularmente vulnerabel pasobra mayoria di e usuarionan ta uza programanan falsifica.
“E Gobierno Chines a haci poco te cu awor aki pa alenta e uzo di programanan no piratea,” nan a declara na AFP.
Sin embargo, e hecho cu Peking lo anuncia cu e viru UIWIX a wordo descubri den exterior por ta mas util na e interesnan di regimen Chines, Severine Arsene, specialista di internet di e centro Frances di estudio riba e China contemporaneo, a observa.
“China ta afirma desde basta tempo cu nan ta victima di atakenan informatico. Prensa internacional a presenta en cambio na e pais como fuente di e ciberatakenan,” el a señala.
Fuente: http://www.elespectador.com