Internacional: E provencia di Hubei lo cuminsa laga hende sali for di e ciudad Wuhan pa prome biaha desde Januari cu a cuminsa cu e lockdown. Asina mes cu di parti di oficial nan tin confiansa pa laga cos cuminsa normalisa bek di parti di e pueblo tin miedo cu ainda e COVID-19 ta afectando hende den scondi.
E provincia Asiatico di Hubei unda e pandemia di COVID-19 a origina lo cuminsa laga mayoria di su 60 miyon residente nan sali bek asina poniendo un paro na e lockdown den e provincia e capital provincial Wuhan lo keda cera te cu 8 di april. Den e forma aki Gobierno Asiatico ta demostra su confiansa den e medida nan drastico tuma dor di nan, cu porcierto nan a ricibi hopi critica internacional di parti pais nan manera; Merca, UK, y otro pais nan formando parti di Union Europeo. Actualmente e pais nan aki mes a cuminsa tuma e mesun medida drastico nan aki tuma pa e Gobierno di China pa asina purba di pone un paro na e crecemento di caso nan di COVID-19.
Ta di remarca cu e decision nan aki no ta kita e peliger cu e virus COVID-19 por bolbe plama, pa e motibo aki bida diario no por cuminsa completamente na China ainda. Specialista nan ta avisa cu mester ta cla pa e segundo ola di invasion di e COVID-19, mester ta cla y sigui monitoria anto ta cla pa re-introduci si e bolbe bira necesario den futuro.